Veldur mér leiða .....

Einhvern veginn finnast mér skemmdarverk á kirkjum verri um þetta leyti árs en venjulega, þrátt fyrir að öll skemmdarverk séu slæm.  Kanski er þetta bara skinhelgi hjá mér, þar sem ég er hund heiðin en samt einhvern vegin veldur mér þetta miklum leiða. 

Held að væri óvitlaust að útbúa  ákveðna veggi þar sem veggjakrotarar fá útrás.

Fyrir utan að þegar þessi krotarar nást, láta þá um lagfæringarnar, mála etc...

 

Skemmdarverk á Háteigskirkju

Fyrst það er mögulegt því þá ekki?

Það þarf að skoða fljótt og vel þennan möguleika.  Við erum búin að vera með ansi vitlausa gengisskráningu í mjög langan tíma sem er búin að hjálpa til við marga vitleysuna.  Það virðist svo sannarlega vera raunverulegur möguleiki að taka upp evruna án þess að ganga í Esb því ber okkur að skoða þann möguleika fljótt og vel, eða þá þann möguleika að taka upp aðra mynt.  Dollar, norska krónu eða hvað sem er!

Taki upp evruna einhliða

Er hann ekki að djóka?

Er hann ekki að djóka ?  Fyrsta sem mér datt í hug.  Heldur hann að við séum búin að gleyma hans hluta í svindlinu? Þó hann hafi verið settur útí kuldann og sé spældur alla tíð síðan er ég hissa á að hann haldi að það sem við .urfum sé enn einn svindlarinn til að opna matvöruverslanir. 

Það eru til fleiri leiðir en að versla við Bónus.  Á Reykjavíkursvæðinu er Fjarðarkaup.  Góð verslun með ágætt vöruverð.  Svo má nefna Samkaupsverslanirnar Netto og Kasko.  Krónan er auglýst sem lágvöruverslun ... frekar dýr sem slík að mínu mati, en vöruúrval gott.  

Einnig eru Þín verslun á Seljabraut og Melabúðin frábærar verslanir að mínu mati.  Jú þær eru kanski dýrari en þá verslar maður bara heldur minni óþarfa.  Einnig hefur Nóatún lækkað, hið besta mál. 

Ég versla ekki í 10-11 eða Hagkaup og hef ekki farið nýlega í Bónus.  10-11 er einfaldlega alltof dýr verslun, Hagkaup er með óhóflega álagningu líka og Bónus hefur hækkað álagningu sína heldur betur.  Það verður maður var við þegar um íslenska vörur er að ræða sem höfðu ekki hækkað frá framleiðanda en hækkaði í Bónus um 43% frá því sem ég keypti hana á 4 september og því sem hún kostaði þegar ég ætlaði að kaupa sömu vöru 24.október.  En það er náttúrulega frjáls álagning hjá kaupmönnum, en þetta fannst mér ansi mikil hækkun.  (159 - 229 krónur). 

Nóg um það, ég hef um margar verslanir að velja og þarf ekki aðra sem minnir á Bónus

Hyggst stofna lágvöruverðsverslun

Kærum Breta strax !

Það er rétt, Gordon Brown sparkaði illilega í okkur og enn erum við á hryðjuverkalistanum illræmda.  Viðbrögð okkar kanski ekki þau bestu, kanski hefði átt að loka sendiráði okkar í London, senda breska sendiherrann heim og höfða strax málsókn á hendur breska ríkinu.  Það var ekki gert og síðan þá hefur verið í athugun hvort hægt sé að stefna þeim.  Hvernig væri að drífa í því fyrr en seinna?  Getur ríkið kært ?  Geta bankarnir kært?  Geta íslenskir einstaklingar kært á forsendum mannorðsmissis svo og að hann hafi dæmt okkur í skuldafen með þessum aðgerðum sínum?

Hann var mest að reyna að bjarga eigin skilnni, en það gera sekir einstaklingar í von um að beina athyglinni annað.  Það tókst um tíma.  Hitt vita allir Bretar að innkaupakarfa heimilanna í Bretlandi hefur hækkað margfalt meir en sem svarar uppgefinni verðbólgu þar og hef ég heyrt frá nokkrum Bretum að þessi uppákoma Gordons hafi verið ein af mörgum til að breiða yfir eigin mistök.

 

Brown sparkaði í Íslendinga

Loksins eitthvað sem mér finnst jákvætt !

Ég er sammála Birni um þetta.  Við þurfum öll að búa við afleiðingar þess að ganga í esb  góðar eða slæmar.  Þess vegna á að spyrja okkur álits. 

Það verða örugglega margir til að fetta fingur út í kostnað við kosningu samfara þessu, sérstaklega ef þjóðin samþykkir að sækja um aðild því þá þarf síðan aðra kosningu.

En þetta er of mikið hagsmunamál til að hægt sé að fara með á annan hátt. 

Eg sendi því Birni og öðrum sem er sama sinnis baráttukveðjur við þetta réttlætismál.

Þjóðaratkvæðagreiðsla um aðildarumsókn

Enn ein leiksýningin ?

Það verður forvitnilegt að sjá hverjir verða valdir ...   Vonandi verður vandað betur til og séð til að ekki séu tengsl á milli aðila.  Einhvern veginn hefur maður það á tilfinningunni þarna sé um enn eina leiksýninguna að ræða.  Kanski er svo ekki en þar sem allt sem á undan er gengið hefur snúist um hagsmuna, vina- og fjölskyldutengsl á maður svo sem von á áframhaldandi leiksýningu. Því miður er vantraustið orðið mikið.

Samstaða um rannsóknarnefnd

Vanhæfni

Þorleifur Gunnlaugsson hefur sýnt það að hann er vanhæfur til starfa í velferðarráði.  Sá síðasti sem sendi bréf til fjölmiðla umhugsunarlaust sagði af sér.  Þó tilgangur hafi verið annar núna er sama hugsunarleysið á bakvið.  Hann á ekki margra kosta.  Er ekki afsögn það skásta í stöðunni?

Sendi bréf í leyfisleysi

Hvenær fáum við að sjá skilyrðin?

Hver voru skilyrði alþjóða gjaldeyrissjóðsins fyrir láni til Íslendinga?  Eru allar þær ákvarðanir til hækkunar á sköttum og fleiru, svo og allur niðurskurður tilkomnar vegna skilyrða sjóðsins ? 

Hvernig verður áframhaldið með stýrivextina ?  Á kanski bara að fara með þá enn hærra ?

Mðer finnst sjálfsögð krafa okkar nú þegar lánið er komið í gegn að við fáum að vita öll skilyrði sem sett voru þar.  Eða kemur okkur Íslendingum það ekki við?  Er þetta bara fyrir ríkisstjórn og seðlabankastjórn og stjóra ?

 

Lánsloforð Rússa til Alþjóðagjaldeyrissjóðsins

hve margir?

Ekki virðist blaðamönnum bera saman hve margir voru á Austurvelli í dag.  Mörg hundruð segir Mbl en 1-2000 segir DV .  Gaman væri að vita hvort blaðið hefur rétt fyrir sér, mér sýnust nú vera yfir þúsund manns þarna þó ég þori nú ekki að fullyrða eitt né neitt um fjöldann

Vekjaraklukka fyrir stjórnvöld

Ótrúlegar tillögur !

Fyrir nokkru bárust fréttir af niðurskurði í utanríkisþjónustunni.  Smá niðurskurður en ekkert af viti.  Ugglaust þarf að hugsa vel um vini og vandamenn sem búið er að ráða í sendiráðin sem mörg hver mættu missa sín.  En nei, ekki að spara meira þar, spörum í heilbrigðisþjónustunni !

Er síðan næsta skref að vera með sjúkraþjónustu svipaða og í bandaríkunum?  Þessir tekjuhæstu þeir verði þeir einu sem hafi efni á að leita til slíkra stofnana og eftir verður smá aðstaða fyrir alla hina sem fínt er að setja bara á enn lengri biðlista en eru í dag?

Er þetta kanski ein af leiðum þeirra til að losna við kostnaðarsama þjóðfélagsþegna, ellilífeyrisþega, öryrkja og langveikt fólk ?

Heilbrigðisstofnanir í vanda