Eins gott að vera með réttan tíma !

Ætli við verðum þó nokkuð vör við þessa einu sekúndu?

Áramótunum seinkar

Ný fyrirmynd?

Dómskerfið hér mætti taka Hæstarétt Danmerkur sé til fyrirmyndar.  Ef harðar væri tekið á glæpum manna sem eru ekki íslenskir ríkisborgarar hér myndi þeim trúlega fækka.  Við eigum nóg með íslenska síbrotamenn samt.

Vísað úr landi vegna búðarhnupls

hmmmmmmm

Hefði þetta kanski verið eitthvað sem þessir útrásarmenn hefðu betur skoðað? 

Flytja út bændur til Afríku

Hver ætli sé munurinn?

Eitt þætti mér forvitnilegt að vita, hvernig stendur íslenska framleiðslan samanborið við þá bandarísku? Eru minni eða meiri kröfur gerðar hérlendis?

Hætt við lögsókn gegn Actavis

Raforka á útsölu?

Hvað ætli svo Norðurál borgi fyrir raforkuna ?  Nei suss suss suss það má ekki segja frá því.  Ætli hátækni iðnaði hafi varið boðin orka á sama verði og álfyrirtækjum? eða jafnvel eitthvað svipuðu?

Almenningi er að sjálfsögðu ekki treyst fyrir slíkum leyndarmálum, ekki frekar en því sem hefur verið að gerast í fjármálum þjóðarinnar undanfarið.  Við gætum jú orðið hissa og jafnvel reið yfir verðinu sem þessi fyrirtæki fá. Stjórnvöld virðast halda að fólk = fífl.  Að minnsta finnst manni komið þannig fram við okkur.  Víst er ágætt að þarna sé á leiðinni verksmiðja sem er atvinnuskapandi. 

En hvernig er það, þegar farið verður að virkja meira, verður þá eitthvað hugsað um þá Íslendinga sem eru þá atvinnulausir og aðra aðflutta sem hafa misst vinnuna?  Eða verður fengið eitthvað fyrirtæki sem flytur inn að mestu með sér vinnukraft? 

 

Sala á orku hefjist 2011

ææ aumingja litlu bankamennirnir, alltaf verið að níðast á þeim

Að sjálfsögðu hljóta þeir að halda fram sakleysi sínu í þessu máli.  Kanski er þetta allt saman löglegt.  En málið er EF þessar millifærslur eru löglegar eru þær þá ekki í öllu falli siðlausar?

Þeir segjast fagna rannsókn á þessu, en hvers vegna eru þeir mótfallnir skoðun á erlendu bönkunum?   væri þetta ekki tilvalið tækifæri fyrir þá að  skrifa undir heimild þess efnis að rannsaka megi allar færslur hjá þeim?   Það er það sem saklausir menn myndu gera!

hmmmmmm... en heyrðu, eru þetta ekki sömu menn og fengu stóra bónusa sem reyndust vera útaf ágóða á pappírum?

Tímasetningar hljóta að skipta miklu máli líka ef um eina af þessu löglega en siðlausa er að ræða. 

Reyndar á þetta allt eftir að koma í ljós þeas ef pappírstætararnir eru ekki fullir og tölvufærslur týndar.

 

Engar ólögmætar færslur

Embætti sem klikkaði !

Það sem virkilega ótrúlegt er við þetta mál að FME hafði þessi gögn en aðhafðist ekkert. Þetta rýrir enn frekar álit á FME og ýmsar spurningar vakna, en vonandi koma svör varðandi það sem fyrst. Reyndar styrkir þetta mál þá skoðun að þarna sé nauðsynlegt að skipta út starfsfólki. Embætti sem klikkaði á öllu eftirliti varðandi bankana, heldur áfram að klikka við frekari skoðun. Eru þarna svona miklir hagsmunaárekstrar í gangi?

Gátu ekki tapað á samningunum

Greyið Jón Ásgeir

Þegar verðbréfamarkaðurinn komst á laggirnar hér á landi minnti það mest á stóran sandkassa þar sem börn leika sér. Í staðinn fyrir börn með skóflu og fötu voru þar komnir menn í jakkafötum sem léku sér mest með fiskinn í sjónum. Bankar og önnur fyrirtæki hafa verið þarna að sjálfsögðu líka.
Spurningin er hvort ekki sé hægt að segja að ríkisstjórn framsóknar og sjálfstæðisflokksins setji þarna línurnar í hruninu sem varð með kvótakerfinu sem leiddi af sér kvótakóngana. Öll einkavæðingin sem kom á eftir olli því að fleiri kóngar urðu til með sín ofurlaun og bónusa, Risa bónusar greiddir út fyrir hagnað sem var að mestu á pappírum að því er virðist.
Bankarnir kappkostuðu að lána peninga til vildarvina, og eftir því sem lánin urðu hærri því meiri veltu var krafist. Afleiðingin, fleiri fyrirtækjakaup og meiri útrás, því veltan hérlendis var engan vegin nægjanleg.
Atvinnurekendur heimtuðu að lífeyrissjóðir almennings fjárfestu í fyrirtækjunum og stjórn lífeyrissjóðanna samþykkti það og bera því sinn hluta ábyrgðarinnar.
Fjármálaeftirlitið, sem á að hafa eftirlit með bönkunum, sá ekkert athugavert við þetta eða amk. gerði ekkert í málunum og má því telja þá bera mjög stóran hluta ábyrgðarinnar, jafnvel þann stærsta. Jafnvel eftir að allt hrynur gera þeir ekkert þegar millifærslur fyrir 100 milljarða eru sendar úr landi til "vildarvina".
Allir þessir kappar sem högnuðust ótæpilega á kvótakerfinu, einkavæðingu banka og ríkisfyrirtækja annarra og notuð það fé til að fara í útrás bera sinn part af ábyrgðinni.
Jón Ásgeir er einn af þeim sem ber ábyrgð en ekki sá eini. Hann verður að taka því að við séum ekki sátt við hann.
Ríkisstjórnin núverandi og fyrrverandi ber ábyrgð á þessu,
Einkareknu bankarnir svo og Seðlabankinn bera ábyrgð á þessu.
En mesta ábyrgð hlýtur Fjármálaeftirlitið að bera.

Jón Ásgeir tekur dóma nærri sér

Endilega að fara alla leið !

Stundum hef ég á tilfinningunni að þegar fólk er að velta upp hugmyndum taki einhver sig til og leki í fjölmiðla þeim hugmyndum sem það annað hvort vill að verði ofaná eða því finnst sniðugar.  Trúi því varla að þarna sé um alvöru hugmynd að ræða. 

En hvers vegna ekki að ganga enn lengra?  Það er jú voða fallegt að sjá litla bamba, héra og kanínur stökkva um í iðgrænu grasi og trjám.  Það væri  tilvalið að planta þarna sígrænum gervitrjám, gervigrasvelli, að sjálfsögðu allt upphitað í boði Hitaveitu Suðurnesja.  Enn fremur, því það er oft rok, rigning eða sjókoma væri hægt að setja risa gler eða plasthvelfingu yfir. Þá værum við búin að fá atvinnu fyrir fjölda manns.  Innflutt dýr gætum við fengið ódýrt (því allir vorkenna jú okkur að vera gjaldþrota).  Endilega þurfum við síðan að muna eftir að skella upp nokkrum tjörnum fyrir skjaldbökur og gullfiska svo og að fá páfagauka af öllum gerðum og stærðum því það fengjust svo fallegir litir þarna inn með því. Þá gætum við skellt inn nokkrum íslenskum dýrum svona með svo sem refum.  Ekki vitlaust eða hvað?

Svona að öllu gamni slepptu, var þessi hugmynd um hreindýrin ekki sett fram í djóki?

Vara við hugmyndum um hreindýr á Reykjanesi

Kemst þetta til skila?

Gott að ráðherra sér að þetta er rangt.  Bandaríkjastjórn ætti að sjá að sér og hætta að styðja Ísraelsmenn í eitt skipti fyrir öll.  Helförin er eitt það versta sem gerst hefur í vestrænum heimi en það er ekki hægt að afsaka mannvonsku Ísraelsmanna með henni endalaust. 

Hvernig er það, heldur ráðherra að eitthvað mark sé tekið á svona yfirlýsingu eða mótmælum?  Ekki tekur hún sjálf mark á yfirlýsingum og mótmælum sem beinast að henni eða hvað? 

En gott hjá þér Ingibjörg, en þú stóðst nú ekki við af taka okkur af lista herskárra vina bandaríkjamanna.  Þrátt fyrir að við séum á honum enn erum við stimpluð sem hryðjuverkaþjóð í Bretlandi og þeir eru á sama lista.  Kanski ætti að skoða betur undirskriftir ef annað þvílíkt kemur upp hjá USA og UK aftur.

„Óverjandi aðgerðir“