Ef þetta er tilraun ..

til að þurrkast ekki alveg út við næstu kosningar þá gæti þetta tekist.  Það er búið að hræra svo mikið í fólki um að Esb sé eina leiðin að kanski  virkar þetta.  En það sem fyrst og fremst þarf er fólk með viti sem GETUR stjórnað landinu.  Við þurfum að leysa svo ótal hluti fyrst og það þarf gott fólk í það.  Nýtt fólk ekki það sem er á þingi í dag.  En við þurfum varla einhverja sem lepja allt upp eftir samfylkingunni eins og framsóknarflokkurinn virðist gera núna, allt til að reyna að komast í stjórn. 

Er ekki framsóknarflokkurinn sá sem gber ábyrgð á verðtryggingu lána,  reyndar launa líka? Og sá sem síðan tók verðtrygginguna af laununum ? 

 

Framsókn vill sækja um ESB

Þetta gátu þeir!

Mér sýnist að þarna hafi verið vandað val á einstaklingum í þennan vinnuhóp.  Sýnist að hann sé ekki tengdur inní þessi mál og vona að það sé rétt.  Ég hlýt að fagna þessari ákvörðun en brýnt er að ganga svo frá málum að svona aðferðir eins og voru notaðar af útrásarmönnum, að margkaupa í sjálfum sér til að hækka hlutabréfin svo og margt annað sem er að verði lagfært.

Það hlýtur að vera lágmarkskrafa að ganga svo frá lögum varðandi fyrirtæki og einstaklinga að svona brotalamir séu ekki til staðar.  Það þarf í framhaldi að setja ný lög til að koma í veg fyrir svona gloppur.  Og það strax áður en fleiri notfæra sér þetta eða til að koma í veg fyrir að haldið sé áfram að gera það.

Starfshættir og siðferði bankanna rannsakaðir

Ráðherrar hlusta því miður ekki

þeir þykjast yfir það hafnir.  Raunveruleikafirring þeirra virðist ansi mikil þegar kemur að fólki sem vill mótmæla þeirra verkum og/eða er með aðrar skoðanir.  Þeir halda áfram með vitleysuna eða að gera ekki neitt og hlusta ekki.  Svívirðileg framkoma gagnvart kjósendum og ótrúlegur hroki.

Því miður á ég von á sama hroka frá Guðlaugi og öðrum ráðherrum.  

Mótmæla ákvörðun heilbrigðisráðherra

Virðist vera að lækka

Trúlega er fasteignaverð farið að lækka miðað við verð, en ætli eftirstöðvar lána haldi verðinu ekki eitthvað uppi ?

21 fasteign seld á höfuðborgarsvæðinu

Aðrar sporslur þingmanna og ráðherra,

hverjar hafa þær verið síðan í október í fyrra?  Hvað hefur verið greitt í ferðakostnað, dagpeninga og aðrar greiðslur frá hruninu?  Samkvæmt forsíðu DV hafa bara dagpeningar verið umtalsverðir.  Hvað með greiðslur fyrir nefndarstörf og annað ?  Hvernig væri að fá þetta uppá yfirborðið, varla er þetta leyndarmál ?  Vilja ráðherrar og aðrir núverandi þingmenn ekki gefa upp hvað þeir hafa í alls konar sporslur og hversu miklu þeir eyða í ferðir?  Ef þeir vilja það ekki, eru þeir þá ekki að fela eitthvað ?

Var kanski tekin ákvörðun um að hækka þessar greiðslur um leið og lækkun launa varð? 

Misjafnt hafast þeir að .....

100 milljarðar dollarar til að greiða niður skuldir af íbúðarlánum, helsti vandi heimila í USA. Þannig tekur ný ríkisstjórn Obama á málum.

Verðtrygging í óðaverðbólgu, alls ekki breyta til, ekki heldur af íbúðarlánum. Viðbrögð íslensku ríkisstjórnarinnar.

 

100 milljarðar dala til að taka á vanda heimilanna

Góðar fréttir !

Gott að heyra að allir 154 sem voru um borð hafi komist lífs af.  En eitt finnst mér skrítið í sambandi við fréttina, þeir segja að allir 154 sem voru um borð hafi komist lífs af, 135 farþegar og 6 manna áhöfn. 

Hvaðan komu hinir 13 ?

Talið að allir hafi komist lífs af

Er þetta ekki vanhugsað?

Þegar það vantaði fjármagn inná hlutabréfamarkaðinn sáu atvinnurekendur til þess að lífeyrissjóðirnir í landinu borguðu vinn skerf inn í það.  Tap lífeyrissjóðanna v. bankanna verður lengi í minnum haft.  Nú vilja samtök atvinnulífsins að lífeyrissjóðirnir láti 75 milljarða á næstu árum til uppbyggingar fyrirtækja. Og til uppbyggingar hlutabréfamarkaðsins aftur !

Ég heyrði Össur Skarphéðinsson segja í útvarpsviðtali að það væri búið að stofna sjóð til að hjálpa sprotafyrirtækjum svo og "lífvænlegum" fyrirtækju, eða er þetta kanski sami sjóðurinn og Össur vísar til?  

Til að forðast misskilning vil ég taka það fram að ég er svo sannarlega hlynnt því að atvinnuleysi minnki og veit að mikið þarf að koma til að svo verði.

Hvernig væri að Samtök atvinnulífsins fengju lán í bankageiranum nú þegar þetta eru ríkisbankar.  Er ekki tilvalið að lífeyrissjóðirnir láni bönkunum þessa 75 milljarða sem þeir endurláni til fyrirtækjanna og þannig séu lífeyrissjóðirnir með einhverja tryggingu á bak við sig?  Nú eða þeir láni til Samtaka atvinnulífsins en það sé háð ríkisábyrgð. 

Ef þessi sjóður er sá hinn sami og Össur minntist svo fjálglega á í útvarpsviðtalinu er hann þá búinn að tryggja að lífeyrissjóðirnir fái sitt til baka? eða er honum slétt sama því hans lífeyrir er tryggður?

 

 

 

75 milljarða fjárfestingargeta

Tilviljun eða fjölskyldutengsli?

Það er ekkert nýtt að eldsneytisverð hækki hér á landi þegar það lækkar annars staðar.  Það er heldur ekkert nýtt að ráðherrar á Íslandi svo og fjölskyldur þeirra eigi stóra hluti í olíufélögum hér á landi. 

Það tíðkuðust verðsamráð hjá olíufélögunum. það mál var látið fyrnast að mestu leyti.  Tilviljun ?  eða kanski fjölskyldutengsl?

Æi, voru ekki laun ráðherra að lækka?

 

Verð á eldsneyti hækkar

Heimilisiðnaðurinn alveg á fullu !

Það var viðbúið að ræktun á kannabisplöntum yrði víðtækari en hingað til.  Hvort þetta sé stór "heimilisiðnaður" í þessu tilfelli hef ég bara ekki hugmynd um en held að hinir 16 sem voru teknir á Selfossi hafi ætlað sér mun stærri hluti. 

Hvað ætli sé langt í fréttir af öflugum heimilisiðnaði í landagerð?  Það mun víst hafa verið fylgikvilli kreppunnar áður fyrr, og kemur svo sem ekkert á óvart eins dýrt og áfengið er orðið.

Kannabisræktun í Mosfellsbæ