Hvalveiðar eða ekki, það virðist stóra spurningin í dag ...

Spurningin er hvað er hentugast fyrir Íslendinga á þessum tímapunkti.  Það er trúlega ekki að eyða of miklum tíma í að rífast um hvalveiðar.  Ég er persónulega hlynnt hvalveiðum því miðað við hvað þessi stóru dýr fjölga sér ört þá verður að hætta að veiða ýsu og þorsk til að þeir hafi nóg að eta.  Ekki viljum við það eða hvað?

Hitt er annað og það er hvernig Einar stóð að því að leyfa veiðarnar.  Síðustu dagana í ríkisstjórn ákvað hann það án þess að ræða það á þingi og sagði síðan eins og óþekkur krakki, víst má ég þetta ég einn ræð!

Klárlega rétt að hann gat þetta sem og gerði.  Annað hefði verið gáfulegra og það er að athuga hvort meirihluti væri þessu fylgjandi áður en hann skjalfesti þetta. Ekki ólíklegt að svo sé.  Það hefði ekki tekið langan tíma að kanna það.  Eins hefði mátt athuga stöðu okkar gagnvart öðrum þjóðum.  Hún er ansi viðkvæm í dag og spurning hvort við getum hreinlega leyft þessar veiðar núna.  Hvort ekki hefði verið betra að bíða í kanski nokkra mánuði, eða kanski fram á næsta ár.

Hvernig er það, eru ekki til birgðar af hvalkjöti í landinu ?  

Hárrétt ákvörðun

Hvað er verið að gera þarna?

Er verið að bjarga því að eignum verði skotið undan þarna? 

Er þetta forvarnarstarf eftir mistökin með alla útrásina? 

Er Landsbankinn að reyna að hagnast þarna á kostnað viðskiptavinar síns?

Er þetta gert af góðmennsku einni saman í garð allra þessara fyrirtækja sem BG Holding á í? 

Er þetta gert af illvilja einum saman til að knésetja Jón Ásgeir og co? 

Er þetta í raun ákvörðun skilanefnda bankans eða er pólitíkin á bak við þetta?

Eða var þetta gert til að skapa bakslag í samskiptum við Bretann eins og lesa má í Times?

Landsbankinn gengur að veðum Baugs

Nú skilja allir strákgreyið

Það væri nefninlega miklu hentugra fyrir hann að velja sjálfur aðstoðarmann til að fylgjast með starfseminni, heldur en að fá einhvern utanaðkomandi og kanski ofur athugulan til að fylgjast með. Þess vegna sækir hann um greiðslustöðvunina hér!
En hvernig og hvers vegna kom hann Davíð inn í umræðuna? Var það til þess að líklegra yrði að fá greiðslustöðvun hér á landi?
Hvernig er það, var ekki örugglega búið að þurrmjólka allt hjá Baugi group eða hvað?

Engin greiðslustöðvun í dag

Launalaust eða á launum?

Er þetta ekki sami ráðuneytisstjóri og seldi öll sín hlutabréf áður en þau urðu einskis virði? Er þetta ekki sá sami og seldi akkúrat eftir að hafa setið fund um bankamálin en "sá ekkert, heyrði ekkert,sissi ekkert" ?
Á hann kanski að biðlaun í ofanálag?
Hvernig er það, var búið að rannsaka þessar gjörðir hans, eða var bara nóg að dýralæknir segði þær í lagi?

Baldur í leyfi?

Toyota tákn um gamla tíma og stöðnun ?

Hér fyrr á öldum máttu vinnumenn og vinnukonur ekki hafa sjálfstæða skoðun og alls ekki tala gegn húsbændum sínum. En við lifum á 21.öldinni og það hefur verið skráð málfrelsi í stjórnarskrána um langan tíma. Þetta er því miður ekki eina dæmið, en ég held að tími sé kominn til að sagt sé frá svona málum til að hægt sé að forðast að versla við þessi fyrirtæki.  

Skortur á skynsemi hjá Toyotamönnum því þetta hefði spurst út hvort sem er, bara ekki svona hratt.

Oft heyrist að slæm auglýsing sé betri en engin auglýsing, en í þessu tilfelli er það pottþétt ekki rétt.  Það góða orð sem Toyota umboðið hefur haft er búið að vera með þessum gerðum núverandi forstjóra.

Bloggari rekinn fyrir skrif

Forseti alþingis

Þetta mál allt með forseta alþingis er dálítið skondið vægast sagt. Í stjórnartíð sjálfstæðisflokksins mátti alls ekki fara út fyrir ríkisstjórnina með þessa stöðu. Sumir segja þessa stöðu hina mestu virðingu meðan aðrir telja hana þægilega leið flokks til að losna við ráðherra. En hvað um það, nú ætlar allt að verða vitlaust í sjálfstæðisflokki þegar ný ríkisstjórn setur nýjan forseta alþingis úr sínum röðum. Hvað er þetta eiginlega með sjálfstæðisflokkinn, titla og völd? Halda þeir að líf þeirra sé búið missi þeir eitthvað af þessu?

Sturla íhugar framhaldið

Biðlaun handa þurftalingum.

Að sjálfsögðu þurfa þessir bankastjórar Seðlabankans biðlaun og við skulum bara borga með brosi á vör!

Við skulum líka borga með brosi á vör biðlaun til þeirra sem eru að hætta hjá Fjármálaeftirlitinu. 

Eins skulum við borga með brosi á vör biðlaun til ráðherra fráfarandi ríkisstjórnar. 

Munum líka að borga með brosi á vör biðlaun annarra í álíka stöðu og þessir vesalingar, svo sem eins og ráðuneytisstjórum sem seldu hlutabréfin áður en þau féllu. 

Hugsum líka með brosi á vör til allra bankastjóra fyrrverandi banka sem fengu sína uppbót fyrir pappírshagnað á ársreikningum.

Hugsum líka með brosi á vör til allra sægreifanna sem eru búnir að braska með kvótann og vilja síðan að ríkisstjórnin komi þeim til hjálpar núna til að þurfa ekki að hafa fyrir að millifæra peninga til Íslands. Endilega skulum við borga enn meira til þeirra og að sjálfsögðu með brosi á vör.

Verum ánægð með að borga þessum öllum, því greyin hafa vart til hnífs og skeiðar.  Þeir hafa verið á þvílíkum sultarlaunum að það er til skammar.

Spörum hins vegar þar sem kemur að öryrkjum og ellilífeyrisþegum.  Og gleymum ekki atvinnulausum heldur.  Þetta fólk hefur ekkert að gera við meira en það fær nú þegar, því það er sko þeim að kenna að þjóðin er gjaldþrota !

Biðlaunin áætluð 44 milljónir

Er ekki nóg til af kirkjum?

Þessi fína kirkja til þarna, Lágafellskirkja.  En nei, best að eyða dálítið meiru í að kyrkja fólk .. sorry ég meina kristna fólk! Aldrei of mikið af því gert!  Þannig að endilega ekki eyða peningunum í heilbrigðismál eða menntamál, alls ekki neitt varðandi félagslega kerfið, börn eða eldri borgara. 

Nei alls ekki eyða í neitt nema kirkjur á þessum tímum, því það hlýtur að vera guði svo sannarlega þóknanlegt .... eða hvað?

Hönnunarsamkeppni um kirkju

Æææ

þarna fór hin svo ágæta samsæriskenning um að Davíð hefði verið staddur í London EINGÖNGU til að eyðileggja fyrir Jóni Ásgeiri og koma öllum hans eigum í Baugi á brunaútsölu.  Bummer að skilanefnd Landsbankans sótti um greiðslustöðvun í Bretlandi áður en hann gat sótt um greiðslustöðvun hér á landi.  Hvað gerir aumingja Jón Ásgeir núna?  Var ekki pottþétt allur peningur sem hægt var að ná út úr fyrirtækjunum kominn í banka í skattaskjóli á karabísku eyjunum?

Eignir Baugs ekki á brunaútsölur

Hvernig er þetta með sjálfstæðisflokkinn?

Ætla þeir að halda áfram með þennan barnaskap lengi eða ætla þeir að gefa núverandi ríkisstjórn smá vinnufrið?  Þeir fengu sitt tækifæri og vinnufrið, þeir þurfa að venja sig við tap.  Þeir sýna best valdagræðgina núna !

Mögnuð fráhvarfseinkenni