Meira millifært eftir frystingu reikninga !

Ég var að fletta DV núna áðan og þar kemur í ljós færsla sem greidd var eftir frystingu reikningsins. Landsbankamenn samir við sig, sjá hér frétt úr DV:

Björn Ársæll Pétursson, forstöðumaður útibús Landsbanka Íslands í Hong Kong, fékk 934 þúsund Hong Kong-dollara starfslokasamning en upphæðin var greidd af launareikningi eftir að Landsbankinn varð gjaldþrota í byrjun október.

Þetta samsvarar tæpum 20 milljónum íslenskra króna. Þetta gerðist eftir að allir reikningar bankans höfðu verið frystir. Launagreiðslur Hong Kong-skrifstofunnar fóru fram í gegnum einkafyrirtækið Tricor.

Eftir fall Landsbankans voru umtalsverðir fjármunir á reikningi þess fyrirtækis, eða sem nam 2,8 milljónum Hong Kong-dollara. Reikningurinn var tæmdur í samráði við höfuðstöðvarnar á Íslandi og væntanlega með vitund Elínar Sigfúsdóttur, núverandi bankastjóra. Forstöðumaðurinn fékk sjálfur þriðjung hins fundna fjár.

Ef þetta flokkast ekki undir siðleysi eða jafnvel fjárdrátt þá er ég hissa.

En Reynir virðist ætla að standa við orð sín í dag !

Jón Gerald mótmælir í Landsbanka

Fletta þarf ofan af þeim sem beittu kúgun

Rétt hjá þér Reynir að biðjast afsökunar, þú ert meiri maður fyrir bragðið.
Mér var illilega brugðið þegar þetta mál kom upp því mér hefur fundist í gegnum tíðina fréttaflutningur Reynis oft á tíðum upplýsandi. Það sem Reynir þarf að gera að það er að upplýsa þjóðina um þessa menn sem hafa kúgað hann og eflaust ritstjóra annarra fjölmiðla til að birta ekki fréttir. Eins þarf að upplýsa hvaða fréttir það eru sem ekki máttu líta dagsins ljós.
Sjáum hvað setur, amk. ætla ég að fylgjast vel með DV næstu daga og sjá hvaða fréttir verður upplýst um.
Helst vildi ég sjá Jón Bjarka blaðamann aftur á DV og þá með fréttir sem EKKI er búið að ritskoða !

Aldrei aftur mun óttinn stýra fréttaflutningi

Fólk er búið að fá nóg !

Ekki er ég hissa. Tryggvi Jónsson ráðinn. Einkavinur Baugsmanna og einn af þeim sem ákærður var í Baugsmálinu og fékk dóm fyrir. Bara það er ámælisvert því Baugur átti töluverð viðskipti við Landsbankann gamla eftir því sem sagt er. Að sjálfsögðu er ég sem viðskiptavinur bankans ekki ánægð. En þeir eru búnir að múlbinda mig sem viðskiptamann með húsnæðisláninu mínu, þannig að ég get ekki svo glatt hlaupið annað.
Nú svo er ElínSigfúsdóttir enn þarna, en DV er með frétt í dag sem fjallar um opnun útibús Landsbankans gamla í Hong Kong. Hún var meðal gesta í veislunni þar sem undirstrikar það að stjórn Nýja Landsbankans segir bara hálfan sannleikann þegar þeir segja engan bankastjóra gamla Landsbankans vera við störf í þeim nýja. Þeir eru enn með áhrifafólk og yfirmenn úr gamla bankanum við störf og það sem aðal bankastjóra!

Auðvitað á fólk sem búið er að taka út sinn dóm, jafnvel þó sé á skilorði, rétt til að vera eins og við hin, gjaldgeng á vinnumarkaði. En þú ræður kanski ekki mann í ábyrgðarstarf í banka, nema bankinn sé í einkaeigu, sem hefur verið dæmdur fyrir fjársvik. Eða var dómurinn vegna annars?

Ég vona að stjórn Nýja Landsbankans taki tillit til mótmælanna

Ruddust inn í Landsbankann

Er ekki tími til kominn að setja ný lög ?

Hvernig eigendur bankanna hafa getað braskað með peninga viðskiptavina sinna er með einsdæmum. Eru þeir með lögin sín megin þegar þeir fjárfesta í sínum eigin fyrirtækjum ?
Á síðustu árum hafa komið upp ýmis sóðamál þar sem sagt hefur verið siðlaust en löglegt. Kanski er þetta enn eitt dæmið um slíkt.
Eins er þetta með kennitöluflakk. Er eitthvað eðlilegt að gera fólki kleyft að stofna félag eftir félag sem það keyrir í þrot? Auðvitað geta allir verið óheppnir en þegar fólk er uppvíst af því að "leika" sér að þessu væri ekki eðlilegt að það væru lög sem kæmu í veg fyrir það?
Ef einstaklingur breytir um nafn væri eðlilegt að leyfa einstaklingi að skipta um kennitölu ef hann bara borgaði 88.500 kr. fyrir það?
Löggjafarvaldið þarf að sjá til þess að frasinn "siðlaust en löglegt" verði ekki svona algengur. Það þarf að setja lög til að koma í veg fyrir svona fjársvik.

Fjárfestu í tengdum félögum

Ekki góðar fréttir ...

Ekki góðar fréttir en eitthvað sem allir áttu von á. Hingað til hefur tekið mjög langan tíma fyrir einstaklinga að fá greitt úr atvinnuleysistryggingasjóði, veit um dæmi þess að launagreiðsla féllst rúmlega ári seinna. Vonandi að það hafi verið einsdæmi. Ætli eitthvað sé hægt að gera til að flýta því ferli?

Nú þegar atvinnuleysi er komið yfir 5% og því miður fer síst minnkandi og hluti af því er vegna gjaldþrota fyrirtækja. Nógu slæmt er fyrir fólk að vera atvinnulaust þó ekki þurfi það að bíða langan tíma eftir launum sem hafa brunnið inni hjá fyrirtæki því sem það vann fyrir.

Greiðslur vegna gjaldþrota tvöfaldast

Hvort ætli komi til með að skila sér betur?

Það verður fróðlegt að sjá hvort virkar betur stýrivaxtahækkun Seðlabanka Íslands upp í 18% eða stýrivaxtalækkun Seðlabanka Bandaríkjanna niður í 0-0,25% .  Seðlabanki Bandaríkjanna hefur meiri reynslu að kreppu en við, þeir voru jú með kauphallarbrask fyrir stóru kreppuna á síðustu öld og hafa lent í smá krísum síðan, þó ekki neitt í líkingu við það sem á sér stað nú.

Hvernig ætli þeir hefðu tekið á verðtryggingu húsnæðislána þarna í henni Ameríku?  Fyrir utan það að þeim hefði ekki dottið sú firra í hug. 

Hugsið ykkur ef stýrivextir hérna væru þeir sömu? 

Það eru nú bara draumórar jafnvel að láta sig dreyma um 5-7% stýrivexti.  Og við sem erum með verðtryggð lán !

Vextir 0-0,25% í Bandaríkjunum

Hvað þýðir 2,375% í krónum talið pr. ár?

Batnandi fólki er bezt að lifa segir einhvers staðar.  Jújú mikil ósköp þarna er komið aðeins til móts við almenning, en spurning er hvort almenningur geti farið á lífeyri 60 ára. 

Ef almenningur hættir að vinna við 65 ára aldur skerðist lífeyrir hans umtalsvert, í raun er bezt fyrir almenning tekjulega séð að taka ekki eftirlaun fyrr en við 70 ára aldur miðað við eftirlaun, því það munar umtalsverðu þá, en flestir atvinnurekendur miða við 67 ára aldurinn. 

En hvað þýðir í krónum talið 2,375% fyrir hvert ár?  Hver eru eftirlaunin segjum fyrir 4 kjörtímabil eða 16 ára starfsaldur?  

Það væri forvitnilegt að sjá útreikning á hvað "almenningur" þyrfti að hafa í laun fyrir sama tímabil til að fá sömu eftirlaun.

Annað sem væri forvitnileg að vita er meðalstarfsaldur þingmanna og hæstaréttardómara.  Hver er hann í dag?

Eftirlaunafrumvarp komið fram

Hæst glymur í tómri tunnu segir máltækið

Eins mikið og Vilhjálmur Egilsson er búinn að beita SA fyrir því að ganga fyrr en seinna í Evrópusambandið þá þarf hann að taka það aftur eftir þessa könnun. 

Manni kemur ekki á óvart að í hópi SA er það er SVÞ (samtök verslunar og þjónustu) sem er hlynntust Evrópusambandinu.  Ég hef kanski ekki mikið álit á kaup- og veitingamönnum eftir að virðisaukaskatturinn var lækkaður en ég kemst ekki hjá því að láta hugann reikna og hugsa útí hvort þeim sé efst í huga niðurfelling á alls konar tollum sem þeir geta notað til að hækka álagningu sína sem er reyndar í mjög mörgum ef ekki flestum tilfellum út úr korti. 

Kanski hefði verið meiri hluti fyrir því að taka upp einhliða annan gjaldmiðil, td. everu, usa dollar eða einhvern annann.  Þeir hefðu kanski átt að skella þeirri spurning með líka.  

En mönnum ber víst ekki saman um hvort það sé hægt ....

SA beita sér ekki fyrir aðild Íslands að ESB

Betra er seint en of seint !

Það var mikið að eitthvað var gert rétt.  Hvort sem við vinnum eða vinnum (ein örugg um að við vinnum) þá er þetta það eina rétta í stöðunni.  Gott að þið ákváðuð þetta þó seint væri, held það hefði verið mikið sterkara að gera það strax.  Trúi ekki öðru en samþykkt verði með 63 atkvæðum. Betra er seint en of seint !

Mál verði höfðað gegn Bretum

Hvað með aðra stjórnendur?

Ég veit ekki betur en að núverandi bankastýra Nýja Landsbankans hafi verið í ábyrgðarstöðu hjá gamla Landsbankanum.  Það er ekki nóg að skella fram svona fullyrðingu, koma með lista yfir stjórnendur og millistjórnendur Nýja Landsbankans og setja fyrir aftan hvaða stöðu þeir gengdu áður. Eða er það kanski bara leyndarmál ?

Ótrúlegt að koma með svona fullyrðingar sem eru bara hálfur sannleikur !

Fyrrum bankastjórar koma ekki að rekstri Nýja Landsbankans