Greyið Gunnar, allir að skrökva uppá hann?

Aumingja Gunnar, hann heldur því fram að logið hafi verið uppá hann í blöðum.  Bíddu, semsagt það var ekki hann sem samþykkti að afskrifa eitt né neitt hjá Kaupþingi?  Það hlýtur að hafa verið tvífari hans sem mætti á stjórnarfundina.  Það hlýtur að hafa verið annar en hann sem tók þá ákvörðun að sitja í stjórn Kaupþings jafnvel þó það hafi verið talið orka tvímælis.  Það hlýtur að vera tvífari hans sem þáði laun fyrir að sitja í stjórn Kaupþings.  Það hlýtur að vera tvífari hans sem fékk hátt í 2 milljónir í laun á mánuði.  Ekki svona góður og grandvar maður eins og Gunnar Páll. Því ef þetta hefði verið hann hlyti hann að axla sína ábyrgð og segja af sér!

Ætli það hafi verið tvífari Gunnars Páls sem var á morgunverðarfundi sem ég mætti á og lagði til að 1.veikindadagur yrði launalaus?  Ætli það hafi verið tvífari Gunnars Páls sem á sama fundi mælti fyrir að fækka frídögum launafólks ?

Ég held það hljóti að vera.  Því þetta hefur varla forystumaður verkalýðsfélags látið sér til hugar koma.  Þetta væri eitthvað sem kæmi frekar sem tillaga frá SA. 

Auðvitað sendir hann bréf til stjórnar VR því hann vill sko alls ekki missa þessa stöðu.  Burtséð frá því hvað aðrir vilja.  Hvernig væri að fá allsherjarkosning félagsmanna VR til að sjá hver yrði kosinn? Kanski yrði það Gunnar Páll, en líklega tekur hann ekki sénsinn ef hjá því verður komist.

Gunnar Páll: „Starfaði af fullum heilindum“

Athugasemdir

[AK-72, 27.1.2009 kl. 20:01]

Á hvðaa morgunverðarfundi lagði hann þetta til, og hvenær stakk hann upp á að fækka frídögum?

[Júlíus Björnsson, 27.1.2009 kl. 20:13]

Heilindum við skapa hér forsendur fyrir alþjóða verðbréfahöll.  Stækkun rekstrareininga, breytt eignahaldsform á öllum fyrirtækum. Neysluverðsvísitölu til að fylgjast með því að lávöruverðsbúðir standi sig í að halda launum niðri, svo eigendur þeirra og fleiri auðhringa geti braskað með skuldabréf sín á mörkuðum.