Að maðurinn skuli ekki skammast sín!

Jónas Fr. Jónsson forstjóri Fjármálaeftirlitsins hefði átt að segja af sér strax í október. Nei hann ákvað að bíða þó hann væri gjörsamlega rúinn öllu trausti meiri hluta þjóðarinnar. Hann hefur viljað bíða með það eins lengi og hann gat, ma. til að fá feitan starfslokasamning.
Þegar meður hélt að tími fáránlegra starfslokasamninga væri liðinn kemur einn í viðbót. Hvernig getur Jónas sofið á nóttunni? Hann sefur kanski vel vitandi að hann hafi með störfum sínum þarna hjálpað til að koma peningum út landi og eins í einkaeigu ? Ekki hátt siðferði hjá manni sem gerir starfslokasamning uppá laun í 13 mánuði á þessum tímum, enda átti fólk kanski ekki von á öðru frá honum!

Athugasemdir

[eva sól (IP-tala skráð) 27.1.2009 kl. 11:25]

Tek undir með þér - óþolandi ósvífni. Fleiri hefðu líka þurft að brjóta odd af oflæti sínu og fara en græðgin og trúin á eigið ágæti (eða siðblindan) er svo mikil. Seðlabankinn og FME hefðu átt að bregðast við mótmælum, eins ríkisstjórnin fyrir lifandi löngu (enda greinilega ekki heilindi í því samstarfi eins og logið var ítrekað að okkur), bankastarfsmenn sem voru í valdastöðum áttu að hverfa tafarlaust frá og síðast en ekki síst GUNNAR PÁLL hjá VR. Já, auðvitað ætti Ólafur Ragnar að spá í stöðu sína - hann getur ekki endalaust skipt um lit og haldið ótrauður áfram.

[Björn Birgisson, 27.1.2009 kl. 11:33]

Nú hefur hávær krafa um afsögn toppanna í Fjármálaeftirlitinu náð fram að ganga, þökk sé Björgvini G. Sigurðssyni. Ástæðan fyrir afsögn (brottrekstri) þeirra er ekki sú að þá beri að verðlauna fyrir góð störf. Þvert á móti. Þeir stóðust bönkunum ekki snúning, áttu engan séns í að halda aftur af siðblindunni sem þar viðgekkst. Þeir voru í tapliðinu. Ef Jónas Fr. Jónsson, með 1,7 milljónir á mánuði, ætlar að þiggja 20 milljónir í starfslokalaun, eftir frammistöðu sem þjóðin metur stórskaðlega, þá hefur hann skipað sjálfum sér á bekk siðblindunnar, þeirrar sömu og setti þjóðina á hausinn. Þessar 20 milljónir eiga ekkert erindi í hans vasa. Hann getur þegið laun í 3 mánuði og ekki degi lengur. Sem væri auðvitað allt of rausnarlegt. Ég hlakka til að heyra frá Jónasi þegar hann afþakkar þennan óverðskuldaða auð.

[Hildur Helga Sigurðardóttir, 27.1.2009 kl. 11:39]

Hætta menn í svona störfum yfirleitt ekki daginn sem þeir eru reknir ?

[Ásdís Sigurðardóttir, 27.1.2009 kl. 15:59]

Það skammast sín fáir þessa dagana, nema kjósendur fyrir pólútíkusuna.