Engin töfralausn

Sem betur fer er fólk að skilja að aðild að ESB er ekki einhver töfralausn. Það leysir engin mál að ganga í ESB og fá evru eftir 6 ár sem spurning er hvernig stendur þá. Hagfræðingar hafa spáð evrunni falli 2012. Auðlindirnar eru líka helsta málið en við myndum miðað við núverandi reglur ESB td missa yfirráð yfir fiskimiðum og hvað með aðrar auðlindir eins og orkuna og ef vinnst olia hvað með hana?
Það er ekki að ástæðulausu að Norðmenn hafa ekki gengið inn í ESB.
Svo er ekki mikið að hafa 0.82% atkvæðarétt, en það er það sem við Íslendingar myndum fá.
Sumir stjórnmálamenn keppast við að tala um inngöngu í ESB sem einhverja töfralausn. Það má ekki blekkjast þegar þeir reyna að leiða hugann frá þeirra eigin mistökum þeð þessari aðferð.
Þó að einhverjir sjái í hillingum styrki sem þeir eða þeirra einkavinir gætu mögulega fengið frá ESB er það ekki ástæða til að gefa í burtu yfirráðin yfir þjóðareign Íslendinga. Það er búið að gerast nóg varðandi kvóta og bankamál, ekki meir af slíku takk !
Það þarf allt að vera gegnsætt varðandi ESB, við erum búin að fá nóg af spillingunni. Kynning á ÖLLUM göllum og kostum þarf ÁÐUR en kosið er um þetta mikilvæga mál.

Meirihluti vill ekki aðild að ESB

Athugasemdir

[Pétur Sig, 26.1.2009 kl. 12:15]

Norðmenn eru líka ríkasta þjóð heims, það erum við ekki.

Töfralausnir eru heldur ekki til í raunveruleikanum sem bylur nú hvað harðast á íslenskum almenningi. 

Jááá og evran fellur 2012! Það er nú hræðilegt að hugsa til þess, en hvað mikið? Hversu lengi og fer ESB þá á hausinn eins og það leggur sig?

[Ásdís Sigurðardóttir, 26.1.2009 kl. 13:18]

ESB mun aldrei redda okkur.

[Sigurbjörg, 26.1.2009 kl. 13:26]

Pétur ég er ekki spámaður en eftir því sem margir þessara hagfræðinga halda fram kemur ESB með að fara ansi illa. Þeir spá evrunni hruni.

[Sigurbjörg, 26.1.2009 kl. 13:27]

held að það sé alveg rétt Ásdís

[Pétur Sig, 26.1.2009 kl. 16:44]

Það er enginn að tala um að ESB eigi að redda okkur! Þetta er einmitt töfralausnakenningin sem er svo lífsseig.Við reddum okkur sjálf með fulltingi ESB og Evrunnar.

Enginn vill ganga í ESB nema það verði allt hér í lukkunnar velstandi strax daginn eftir. Skammsýni og vitleysa.

Sjálfstæð ríki innan ESB ráða sér sjálf, en þurfa að fara eftir leikreglum sem er þeim sjálfum til hagsbóta svo ekki fari illa fyrir þeim.

Spár einhverra ónafngreindra hagfræðinga um hrun Evrunnar árið 2012 vekja mér ekki ugg í brjósti. Á síðasta ári kepptust greiningardeildir bankanna við að spá því að húsnæðisverð á Íslandi mundi ekki lækka. Það eru svo margir óvissuþættir sem aldrei verða teknir með í reikninginn. En ég veit að Evran er og verður alltaf sterkari og betri gjaldmiðill en íslenska krónan.

[Sigurbjörg, 27.1.2009 kl. 10:13]

Er ekki með greinarnar allar hjá mér, flest er hægt að lesa á netinu í erlendum fréttamiðlum, mest hef ég verið að lesa breskar og þýskar greinar. Alltaf allir hagfræðingar nafngreindir þar, þannig að ekki er um neina ónafngreinda að ræða, eins hafa þeir nú verið nafngreindir í íslenskum blöðum nokkrir sem eru sömu skoðunar.

Nokkuð víst að við þurfum að ná okkur upp sjálf og komum til með að gera það. Og gerum það best án ESB