Þetta er mikið rétt !

Ég var að lesa grein Styrmis Gunnarssonar og held að allir ættu að kíkja á hana.  Ef þið hugsið til baka hvað hefur verið talað um Evrópusambandið og hvernig sú umræða hefur breyst í kjölfar atburða síðast liðinna mánaða er þetta bara dálítið fyndið ef þið pælið í því.

Verðbólga innan viðkomandi ríkis þarf að vera í lágmarki í tilskilin ár áður en það getur sótt um aðild í Evrópusambandinu.  Burtséð frá því hvort viðkomandi þjóð telst "rík" eða "fátæk".   Við vitum öll um atkvæðarétt ríkja innan sambandsins og okkar atkvæði ... EKKERT sem marktækt er.  Skilmálar: við höfum ekkert um að velja, annað hvort tökum við þeim skilmálum sem eru eða við erum utan sambandsins. 

Í grein Styrmis segir: Utanríkispólitík snýst um hagsmunagæzlu, ekki sýndarmennsku og allá síst hroka.  Síðan spyr hann: Hverjir eru hagsmunir okkar Íslendinga í utanríkismálum?

Svör hans eru skýr í 5 liðum.  Endilega lesið grein hans, hún er ansi góð. 

Við höfum óábyrga stjórnmálamenn etjandi kappi við að reyna að halda sínu sæti í þinginu, segjandi óábyrga hluti bara til að öðlast fáein fleiri ár í "stólnum".  Við þurfum sjálf á okkar auðlindum að halda, sérstaklega núna.  Við viljum ekki að einhverjir aðrir ráði yfir hvað er gert hverju sinni og hverjir framkvæmi.  Við getum komist í gegnum þetta ástand án þess að ganga í evrópusambandið.  Vonandi skoðum við öll alla kosti og líka alla galla þess að ganga í sambandið.  Við getum tekið upp aðra mynt ef á þarf að halda einhliða.  Sjíð bara Svartfjallaland. 

Hvers vegna eru Finnlandsforseti, stækkunarmálaráðherra Evrópusambandsins og fleiri að bíða eftir okkar umsókn og segjast samþykkja hana á árinu? ... Þar sem við .. bara samkv. verðbólgu erum ekki hæf til að sækja um aðild, hvers vegna þá?   Viljum við gefa okkar auðlindir eftir? Ættum við ekki að skoða hvers vegna Norðmenn, með sína olíu og sinn fisk, ganga ekki í sambandið?

Við höfum nú þegar sjávarútveginn og aðrar náttúruauðlindir eins og jarðhita, ... kanski líka olíu, .. er það kanski ástæðan fyrir því að STÆKKUNARSTJÓRI sambandsins vill okkur inn þrátt fyrir að við stöndumst ekki skilyrði????  Hvernig væri að kynna alla skilmála fyrir okkur strax þannig að við getum tekið ábyrga afstöðu þegar þar að kemur?   á kanski bara að "kýla þetta í gegn" til að afla skammvinnra vinsælda?

Þið þarna í ríkisstjórn, sjáið sóma ykkar í að kynna fyrir okkur almenningi kosti og galla, semsagt ALLT sem viðkemur aðild ÁÐUR en þið sækið um !

Ísland áhrifalaus útkjálki?

Athugasemdir

[Jónas Tryggvi Jóhannsson, 27.12.2008 kl. 01:59]

Sæl Sigurbjörg, vildi bara leiðrétta nokkra hluti sem þú ert að skrifa.

1. Við þurfum ekki að hafa lámarksverðbólgu til að ganga í Evrópusambandið - við þurfum að uppfylla ýmis efnahagsleg skilyrði til að taka upp evruna þegar við viljum taka hana upp, en einu skilyrðin sem við þurfum að uppfylla tli að ganga í Evrópusambandið er að vera fullvalda land - því þetta er samstarf fullvalda og sjáflstæðra landa
2. Evrópusambandið tekur ekki af okkur auðlindirnar - þar er sameiginleg auðlindarstefna, sem þýðir að þær auðlindir sem eru sameiginlegar er stjórnað úr Brussel - þeas auðlindir sem liggja á landamærum aðildarlanda. Hér á Íslandi eru 85% fiskauðlindana staðbundnar við Ísland, og munu því aðeins vera úthlutað til okkar Íslendinga. Um hin 15% af fiskveiðiauðlindinni semjum við nú þegar um við Evrópusambandið, þannig að í raun breytist ekkert í sjávarútveginum við inngöngu í ESB - við munum ein sitja að þeirri auðlind okkar, sem og orkunni sem er að sjálfsögðu algjörlega staðbundin við Ísland.
3. Svartfjallaland var með Þýska markið sem varð að evru en tók ekki upp evru. Þetta gerðu þeir vegna þess að hagkerfið þeirra var í molum eftir stríð. Jafn skuldsett land og Ísland getur ekki tekið upp mynt einhliða, því um leið er það að breyta öllum skuldum í erlenda mynt án þess að eiga þá mynt til að greiða skuldina til baka. Með inngöngu í Evrópusambandið værum við að fá seðlabanka evrópu sem bakhjarl bankana, sem myndi skaffa okkur evrur þegar það þyrfti að koma peningum í umferð - því er það í raun eina raunhæfa leiðin til að losna við krónuna.

Það held ég að standi ekkert á ríkistjórninni að kynna þessi mál - en menn eins og Styrmir eru ekki að segja satt og rétt frá þegar þeir segja að auðlindirnar séu í hættu við Evrópusambandsaðild - það er bara hræðsluáróður. Stækkunarstjóri Evrópusambandins er bara að reyna greiða för Íslendinga inn í sambandið til að reyna hjálpa okkur að takast á við framtíðina, því fyrir okkur blasir ekkert annað en fjöldagjaldþrot heimila og fyrirtækja með áframhaldandi verðtryggða krónu sem kostar okkur tugi miljarða á ári. Evrópusambandið er samstarf sem allir eiga að græða á, og innganga þangað er ein mesta búbót sem Ísland á kost á í dag. 

[Sigurbjörg, 27.12.2008 kl. 15:30]

Það hafa þá breyst töluvert skilyrðin fyrir inngöngu í sambandið sl ár,  nema að stjórnmálamenn hafa blákalt logið  td um lágmarksverðbólgu.  Það væri ekkert nýtt að heyra ósannindi frá stjórnmálamönnum nóg hefur verið um það sérstaklega uppá síðkastið, en ég er hissa á að enginn hafi á sínum tíma mótmælt ef þetta hefði ekki verið rétt.