Þá vitum við það.

Ekki einn einasti þingmaður greiddi atkvæði gegn fjárlögum fyrir árið 2009 í gær.  Þá vitum við það. Stjórnarandstaðan gaspraði bara, ekkert að marka hvað þeir segja.  Á sama tíma stjórnarþingmenn samþykktu þá voru 8 manns fjarverandi og 2 í leyfi.  Þótti þessum 10 manns ekki fjárlögin nógu mikilvægt mál til þess að mæta?´Hvað með alla varaþingmenn, eru þeir bara uppá punt þessa dagana? 

Þögn er sama og samþykki.  Þögn í svona mikilvægum málum er ótrúleg.  Ekki er nægjanlegt að gaspra á þingi og mótmæla ef sami aðili gerir ekkert í málunum.  Neytir ekki einu sinni atkvæðaréttar síns.   Auðvitað lá þeim á að komast í mánaðar jólafrí en fjárlögin hefðu verið samþykkt og þeir komist í fríið samt sem áður.  Eins þeir sem höfðu ekki fyrir að mæta eða hreinlega fóru í leyfi þeir eru jafn ábyrgir líka. 

Ugglaust má til sanns vegar færa að niðurskurðar sé þörf.  En að greiða ekki atkvæði gegn svona miklum niðurskurði í heilbrigðismálum þjóðarinnar finnst mér skömm.  Hvernig farið er með þá sem  minna mega sín er til skammar. 

Jólagjöf þingheims til þjóðarinnar er ömurleg.  Aldraðir, öryrkjar og atvinnulausir mega svelta og deyja síðan drottni sínum ef þeir veikjast því þeir hafa engan veginn efni á að leita sér lækninga.  Börnin sem eru framtíð þessa lands mega ekki einungis taka á sig þungar skuldbindingar heldur gerið þið þeim erfiðara fyrir.  Þessi málamynda lækkun ykkar launa var einungis táknræn.  Reynið að lifa af rétt rúmum 100.000 kr. á mánuði.  Og á sama tíma og þið samþykkið þessi fjárlög sjáið þið ykkur leik á borði með að koma í gegn nýju eftirlaunafrumvarpi sem er að mestu gert til að láta ykkur líta betur út í augum almennings.  Það mistókst. 

Takk fyrir kæri þingheimur að hugsa svona vel um þá sem hafa minna hér. 

Við komum til með að muna þessa stjórn sem kom þessu frumvarpi í gegn.  Við komum líka til með að muna stjórnarandstöðuna sem samþykkti þetta með að sitja hjá.  Við komum líka til með að muna þá sem höfðu ekki fyrir að mæta.

Líklega er þetta,líkt og stýrivextirnir, vegna IMF en ef svo er hvers vegna ekki að birta skilmála lánsins ?   

Það er ekki um marga aðra flokka að ræða til að kjósa, en ég held að hljóti að vera að Íslandshreyfingin komi mjög sterkt út í næstu kosningum. 

Athugasemdir

[Guðrún Magnea Helgadóttir, 23.12.2008 kl. 11:50]

Tegar mer ofbydur eitthvad ta hlae eg...Nuna hlae eg og hlae...

Bjost einhver vid odru fra tingheimi??? Enn tessu??? Er folk ekki farid ad sja ad sami rassinn er undir ollum altingismonnum??? 

 Ef ekki ta farid ofani-kjolinn a vinnubrogdunum tar innanhuss og ta sjaid tid hvad allt er samteyngt, rikisstjornarflokkarnir og stjornarandsstadan!!!

[Sigurbjörg, 23.12.2008 kl. 14:55]

Reyndar löngu farin að sjá það en ég er nú einu sinni þannig gerð að ég vil trúa því besta upp á fólk.  Því miður get ég það ekki lengur um neinn mann / konu sem er á þingi í dag