Fyrst mennirnir eru búnir að gefast upp

þá á að sjálfsögðu að láta þá hætta og finna hæfa aðila strax í þeirra stöður.  Þeir segja sjálfir að það sé í hag bankanna að breyta um stjórnun nú þegar en ekki bíða fram að aðalfundi í apríl.  Og hvers vegna segja þeir það?  Eru þeir búnir að sjá fram á að þeim hafi mistekist ætlunarverkið?  Eða er þetta kanski gert í samráði við ákveðna aðila innan Sjálfstæðisflokksins?  

Standa við afsagnir sínar

Athugasemdir

[Maelstrom, 11.2.2009 kl. 17:39]

Nei, þetta er gert til að vernda hagsmuni bankanna.  Þegar Forsætisráðherra kemur fram og segir að það þurfi að skipta um formenn sem fyrst þá er hún að segja að hún treysti ekki núverandi formönnum til starfans.

Það gerir þá óhæfa til starfans því allt sem þeir ákveða er umsvifalaust véfengt á þeirri forsendu að nýr formaður sem er væntanlegur gæti viljað eitthvað annað.

Það sama á t.d. við um Davíð Oddsson.  Fjármálakerfið í rúst, trúverðugleiki Íslands farinn og allir bíða eftir breytingum.  Það er alveg ljóst að það verður skipt um stjórn Seðlabankans og spurningin er einungis hvenær það gerist.  Erlendir aðilar hafa því væntanlega ekki mikið fyrir því að vera í samskiptum við DO.  Til hvers að tala við hann þegar þú þarft að endurtaka allt eftir 1-2 mánuði við þann sem tekur við af honum?  Síðan líður hver mánuðurinn af öðrum og enn situr Davíð og erlendir aðilar klóra sér í hausnum og spyrja sig hvort fjármálakerfið á Íslandi hafi ekki hrunið og hvað sé að gerast eiginlega...og Íslandi blæðir!

Þetta er ekki spurning um hvort þeir hafi gefist upp.  Þetta er spurning um hvort þeir hugsi fyrst og fremst um eigin hag (ala Davíð Oddsson) eða hvort bankarnir séu mikilvægari en 1-2 mánaðarlaun.  Þeir velja hag bankanna og ég tek ofan hatt minn fyrir slíku.