Jæja, þá vantar bara einn til að vinnufriður náist!

Eiríkur hlýtur að senda bréf seinna í mánuðinum til að staðfesta að hann hætti störfum 1.júní.  Hvenær ætlar Davíð að hætta svo það verði vinnufriður í fjármálum okkar?

Eiríkur hættir í júní

Ég er nú ekkert mjög hissa

á að lögreglan nenni ekki að hlusta á skerandi hávaða í lúðrum.  Verst að Egó og Bubbi mættu ekki aftur.  Vonandi fer kóngurinn að hlusta á þjóðina sem fyrst, sérstaklega þegar hinn kóngurinn er farinn að mótmæla !

Sturlu bannað að þeyta lúðra

Það er eitthvað stórkostlega mikið að

þegar stanslaus skrif um forseta Íslands og Seðlabankastjórann Davíð Oddsson eru í erlendum blöðum.  Sér í lagi þegar skrifin virðaðst aðallega fjalla um hversu mikil mistök þessir menn hafa gert og eru enn að gera.  Þeir virðast hvorugir talandi ensku eða önnur tungumál en íslensku.  Ég mæli með að dómstúlkur fylgi þeim báðum svo þeir hætti að afsaka misskilning. 

Hvorki Ólafur né Davíð virðast á förum úr embættum á næstunni.  Hvernig gengur með lagasetninguna varðandi Seðlabankann?  Hvenær eru aftur næstu forsetakosningar? 

Skapstóri forsetinn

Gott að þeir komast bráðum að niðurstöðu

í þessu máli hvort ver að sækja hann til saka eður ei.  En á meðan þessi tiltekni maður er í farbanni finnst manni skjóta skökku við að allir sem grunaðir eru um að hafa skotið fé umdan td með því að reyna að fela þá á karabísku eyjunum skuli ekki hafa fyrir löngu verið úrskurðaðir í farbann.

Farbann framlengt í tólfta skipti

Það er best að búa í Vestmannaeyjum

hlýtur að verða slagorð þeirra eyjaskeggja í framtíðinni.  Er ekki nýbúið að samþykkja íþróttahús eða íþróttahöll þar ?  Minnir það alla veganna.  En bara til hamingju eyjaskeggjar, þetta hlýtur að redda mörgum iðnaðarmönnum og iðnverkamönnum ykkar atvinnu!   Trúlega munar um hvert starf hjá ykkur eins og öðrum landsmönnum  þessa lands.

Eyjamenn reisa menningarhús

Að sjálfsögðu fer hún ekki fram í fyrsta sæti

þetta er karlaflokkur.  Karlar í efstu sætin og konur svona með uppá punt!.  Enda ekki slor að hafa olíuveldi aftur í formannsembætti!

Þorgerður Katrín ekki í formannskjör

Ja hérna, þeir eru ótrúlegir

þessr sjálfstæðismenn.  Eftir að hafa neitað að gefa trúnaðaruplýsingar frá IMF krefjast þeir að fá allar upplýsingar núna.  Að sjálfsögðu ber að fagna því hve viðhorf þeirra hefur breyst, hugsið ykkur viðsnúninginn bara á smá tíma!  Frábært!

En hversu lengi ætla sjálfstæðismenn að vera með uppþot og tafir?  Vilja þeir gera allt sem í þeirra valdi stendur til að tefja fyrir úrlausnum?  Eru þetta samantekin ráð Dabba kóngs og þeirra til að gera allt sem í þeirra valdi stendur til að valda okkur eins miklu tjóni og hægt er?  Hvað eru þeir að græða á þessu?  Ætli það sé mikill hagnaður fyrir þá persónulega?

Jóhanna sendi strax beiðni til IMF að fá að upplýsa þingið.  Það er meira en Geir hinn harði gerði nokkru sinni.  Enda vildi hann leyna sem mestu.

Sjálfstæðisflokkur er líkt og Framsóknarflokkur flokkur baktjaldamakks, það sést betur og betur með hverjum degi sem líður.

Birgir aflétti leynd

Það bíða sjálfsagt margir spenntir

eftir úrskurði yfirskattanefndar í þessu máli. 

Í 7. tölulið 3.greinar laga nr.90/2003 um tekjuskatt og eignarskatt segir eftirfarandi:

Allir aðilar sem hafa tekjur, þar með talinn söluhagnað, af íslenskum hlutabréfum, stofnbréfum eða öðrum réttindum til hlutdeildar í hagnaði eða af rekstri íslenskra fyrirtækja skulu greiða tekjuskatt af þeim tekjum.

Ég get ekki séð annað en að samkvæmt íslenskum lögum beri Magnúsi að greiða skatt af söluhagnaðinum og á því ekki von á öðrum úrskurði frá yfirskattanefnd.

Ólíkt hafast þeir að

Valur formaður bankaráðs Nýja Glitnis og Magnús formaður bankaráðs Nýja Kaupþings annars vegar og Ásmundur í Landsbankanum hins vegar. 

Ætlar Ásmundur sér ekki að vera áfram bæði formaður bankaráðs og svo bankastjóri Landsbankans?  Engin furða, hann er orðinn svo vanur spenanum að hann kann ekki annað. Ekki frekar en Dabbi kóngur sem vanur er spenanum líka.

 

Formenn bankaráða segja af sér

Hvernig endar þetta með bankana?

Eignast bankarnir kanski bara flest meðalstór og stærri fyrirtæki þegar upp er staðið? Kaupþing yfirtekur Heklu, Landsbankinn Baug, er Glitnir farinn að spá í hvaða fyrirtæki þeir innkalla lán hjá eða taka yfir reksturinn hjá?

Kaupþing hefur tekið yfir rekstur Heklu