Að taka eða taka ekki ábyrgð ....

Samfylkingin orskaði ekki .... heldur bankarnir og þeir sem stjórnuðu þeim.   Er ekki fjármálaeftirlitið meðal annars til að fylgjast með þeim?   Hvaða hringlandaháttur er þetta í henni?  Tekur hún ábyrgð eða ekki?  Jújú segir að hún og aðrir hefðu átt að vera meira vakandi ... er þetta að taka ábyrgð? 

Það er ekki eins og að Ingibjörg Sólrún hafi verið að koma að þingi í fyrsta sinni þegar hún gerðist ráðherra.  Þetta er léleg afsökun að hafa ekki verið vel vakandi frá því Samfylkingin komst í stjórn.

Þau orð hennar að standa vörð um velferðina eru brandari.  Þvílík velferð hvernig skerðing í heilbrigðiskerfinu og flest allt sem viðkemur eldri borgurum þessa lands.  Hvernig væri að hætta að ráða einkavinkonur og vini í hálaunastörf, taka betur til í utanríkisráðuneytinu svo og alls staðar í sendiráðum.  Það má spara mikið betur þar!

Stjórnvöld verða að segja satt, segir Ingibjörg.  En hjá mér þýðir að segja satt það að segja allt!

Ekki bara að segja það sem stjórnmálamenn vilja segja.  ALLT.  Þegar þú og aðrir stjórnmálamenn fara að segja ALLT þá kanski verður viðhorfið gagnvart ykkur annað.

Ingibjörg: Orsökin liggur í ofsafrjálshyggjunni

Valtað yfir kjósendur eina ferðina enn

Það er meira en íslenska krónan sem skiptir máli varandi inngöngu í Esb, Kostirnir sem allir tala um eru stöðugt gengi, engin verðbólga etc ... ég veit nú ekki annað en að verðbólga hafi verið töluverð í sumum ríkjum Evrópusambandsins.

Þorgerður Katrín heldur kanski að hún afli sér vinsælda með þessum ummælum? má vera.....

Hvers vegna að sækja um án umboðs til þess frá þjóðinni ? Það er yfirgangur.

Ég taldi að Þorgerður Katrín væri betur gerð en það, en samkv.þessu viðtali er það ekki víst.

Á sama tíma er td stækkunarstjóri Esb að gera ráð fyrir umsókn Íslands í sambandið. Hvað er það sem við höfum sem þeir vilja? Ekki eru það skuldirnar okkar.

Vantar þeim fisk? Vantar þeim orku? Vantar þeim olíu? Ekki víst að hún finnist hér í miklum mæli en kanski vita þeir eitthvað meira en við .....

Hvernig væri að birta skilmála þeirra svart á hvítu svo ekkert fari fram hjá neinum. Hverju glötum við og hver er ávinningurinn. Ekki bara áróður inn í Esb heldur líka segja okkur frá göllum þess. Það er sjálfsögð krafa hvers kjósanda.

Ekkert annað hægt en sækja um aðild

Sumir jafnari .....

Með þessari tillögu, hvað fá ráðherra, þingmenn og hæstaréttardómarar í eftirlaun og eftir hve langan tíma? Bara svona í samanburði við venjulegan launamann. Eru þeir kanski ekki í vinnu?

Réttlæti felst í því að allir þessir aðilar séu jafn réttháir þegar kemur að eftirlaunum. Þeir geta borgað sömu % og aðrir launamenn og fengið sama mótlag frá atvinnurekanda, þe ríkinu. Nú ef þeir vilja meira, geta þeir lagt í séreignasjóð eins og hinir launamennirnir.

En það vill oft verða að sumir eru "jafnari" en aðrir svo ég vitni nú í Animal farm.

Eftirlaunaréttur ráðherra sá sami og þingmanna

Takk,takk,takk !

Takk kæra ríkisstjórn fyrir að láta mig ákveða endanlega hverja ég á ekki að kjósa í næstu kosningum.

Að sjálfsögðu þarf niðurskurð og hækkun skatta, en þið farið svo vitlaust í þetta. Skerið niður í sendiráðunum meira, lækkið enn frekar risnur og ferðakostnað, hættið að borga fyrir maka stjórnmálamanna bæði ferðir og uppihald. Hættið að ráða einkavini í embætti og aðstoðarmannastörf.

Of margir hafa verið húsnæðislausir ... þrátt fyrir velmegun síðustu ára ... og biðlisti eftir íbúðum verið mörg ár. Nú horfum við fram á fjölda gjaldþrot og að fólk missi húsnæði sitt. Og þið skerið niður.

Jafnaðarmenn kallar annar hluti samstarfs ríkisstjórnar sig. Svei ykkur, Ingibjörg og co. Þið hafið hjálpað til að auka ójöfnuðinn og ætlið ykkur auðsjáanlega að halda því áfram.

Fallið frá fjölgun leiguíbúða

Ljós í myrkri

Skemmtilegt að lesa um þetta, ekki veitir af að sjá smá birtu þessa dagana. Nú gæti verið tækifæri fyrir íslenska framleiðendur, sérstaklega bændur, að koma vistvænum afurðum á markað. Snúum vörn í sókn. Mæli með að þeir sem geta, hjálpist að við koma vistvænum vörum á markað í Frakklandi !

Kaupið bara íslenskan þorsk

Hversu langt á að ganga ?

Fyrir fáeinum árum, um það bil á þeim tíma sem öll einkavinavæðing sjálfstæðis- og framsóknarmanna var í algleymingi, var ein af þeim hugmyndum sem hent var upp á borðið að einkavæða meira í heilbrigðisgeiranum og taka upp tryggingakerfi að erlendri hugmynd, sem sagt einkatryggingakerfi svipað og í bandaríkunum. Almannatryggingar yrðu jú áfram en biðlistar voru langir og þetta var ein af leiðum til að þeir sem hefðu efni á að tryggja sig væru fullborgandi. Hvernig væri ástandið í dag? Stor hluti ástæðu þess að komið er fyrir okkur í dag sem raun ber vitni er þessi einkavinavæðingarstefna.

Í dag er nógu erfitt hjá fólki þó ekki sé skorið niður hjá þeim sem þurfa að fara á sjúkrahús. Hversu langt ætlið þið að ganga ? Er þetta byrjunin á því að við þurfum einkatryggingar til að geta farið á sjúkráhús án þess að taka bankalán?

Upptaka fæðisgjalda hugsanleg

Hve mörg gjaldþrot verða á næstunni?

Guð hjálpi þeim sem hafa keypt íbúð síðustu 2 ár með fullu verðtryggðu láni. Eins og er bara við það að fasteignaverð standi í stað skulda margir meira en þeir fá fyrir húsnæðið. Hvað þá ef þetta nær fram að ganga. Hvað verða margir íslenskir einstaklingar gjaldþrota ? Í dag eru ansi margir sem íhuga brottflutning ég held þeir verði mun fleiri ef þetta verður, því miður.

25 til 30% lækkun þarf á fasteignamarkaði

Um að gera að mæta

Um að gera fyrir alla sem sjá sér fært að mæta og fræðast meira.

Mótmæli á miðvikudag

ólíkar aðferðir

1% stýrivextir og jafnvel lækka meira ... stýrivextir hafa líka lækkað í Bretlandi og á fleiri stöðum.  Allt gert til að draga úr áhrifum kreppu.  Íslendingar, hækka stýrivexti út í eitt ! Hvenær verður næsta hækkun? 

Hugsanlegt met í stýrivaxtalækkun

Kemur ekki á óvart

Frábært ef það verður skipt út í Seðlabankanum, vonandi láta þeir bankastjórann fara líka.  Eins að skipta út í Fjármálaeftirlitinu, góðar fréttir !

Ágætt að stokka upp í ríkisstjórninni.  Árni Matt og Björgvin gott að vera laus við þá.  Björn hefur svo sannarlega ekki verið í uppáhaldi hjá mér, en samt er hann ekki alslæmur.  Þórunn hefur staðið sig vel sem umhverfisráðherra, þannig að mér finnst það vera mistök að setja hana út í kuldann. 

Svo er aftur á móti spurning hvort þeir setja inn hæfa menn.  Bjarni er nefndur í fréttinni og þar með er trúlega komin rétta ástæða þess að hann lét af stjórnarformannsstöðunum eða hvað ?

Svo gefur þetta stjórninni smá frest sem eins má spá í hvort sé af hinu góða eða hvort réttast sé að efna til kosninga strax. Spurning hvort eitthvað breytist í raun eða hvort þetta sé ekki eingöngu til að friða okkur.

Uppstokkun fyrir áramót