Ætli þetta stjórnarfrumvarp verði samþykkt á alþingi ?

Ætli Famsóknarmenn og Sjálfstæðismenn taki sig saman líkt og þeir gerðu í Seðlabankafrumvarpinu? Ætli þeir reyni að tefja fyrir þessu frumvarpi eins og þeir geta fram yfir kosningar í von um að þeir komist að og geti reynt að setja þetta í skúffuna?
Þetta með tafir á Seðlabankafrumvarpinu, var það ekki bara byrjunin á að þeir væru farnir að rotta sig saman fyrir næstu kosningar?

Tekið á skattaparadísum

Tími kominn til að skipta um forystu

í öllum flokkum, ekki bara sjálfstæðisflokki, þess þarf líka í Samfylkingunni. Jóhanna væri verðug sem næsti formaður Samfylkingar.

Leiðtogaefni á færibandi

Brandari dagsins ?

Ef ekki væri fyrir kjósendur sjálfstæðisflokksins á Suðurlandi þá hefði ég haldið að þetta væri brandari. Þeir hafa komið ótrúlegustu mönnum á þing, meira að segja Árna Johnsen núna síðast. En svona í alvöru, er þetta ekki brandari?

Davíð í framboð á Suðurlandi?

Bíddu nú við !

Hefði ekki verið hægt að fara fram á að Bretar féllu frá hryðjuverkalögunum ef við féllum frá málssókn?
Eftir allar fyrri yfirlýsingar Steingríms er hann samþykkur þessu? Var hann bara að hugsa um ráðherrastól þegar hann var með stórar yfirlýsingar ÁÐUR en hann tók við embætti ?
Þetta er ótrúlegt! Ég sem hef talað gegn því að fólk flytjist úr landi, er svo sannarlega hætt því núna. Styð heilshugar þá ákvörðun þeirra fjölmargra sem hugsa sér til hreyfings eftir þessar fréttir.

Hætt við málssókn gegn Bretum

Það er svo auðvelt fyrir verkalýðsforingjana

að semja um frestun á kauphækkunum fyrir þá lægst launuðu.  Þeir þurfa ekki að svo mikið sem að reyna að lifa af þeim tekjum.  Hvernig væri að þessir menn lækkuðu sín laun í þessi taxta laun og sleppi fríðindum eins og bílum.  Ég á ekki von á að þeir gætu lifað af þeim launum.  

 

Launafólkið greiði atkvæði um frestun hækkana

"Íslandsvinurinn Tchenguiz"

Hvernig væri að tryggja endurgreiðslu lána til Kaupþings banka með gjaldfellingu lánanna sem félagið fékk og greiðslustöðvun, síðan ef það gengur ekki upptöku eigna líkt og gert var til verndar Landsbankanum gagnvart Baugi ?

Er búið að rannsaka hvort lánin frá Kaupþingi voru innan ramma laganna, hvort þau voru "bara" siðlaus? 

Hótelkeðja Tchenguiz í vandræðum

Var þá enginn sparnaður í fyrri aðgerðum?

Trúlega hugsaði Guðlaugur ekki allt til enda þegar hann ætlaði að loka St. Jósefsspítala.  Enda það svo sem ekkert sem maður á von á að hann geri svona yfir höfuð. 

Óbreytt starfsemi á St. Jósefsspítala

Gunnar var að reyna að leika góða gæjann

með þessari síðustu uppákomu í blöðunum.  Hann er kanski farinn að hræðast það að fá mótframboð !

Reyndar er með ólíkindum hvað ég hef heyrt marga segja að Gunnar Páll hefði passað vel inn í verkalýðsfélögin í Chicago á árum áður, en ætli það sé ekki bara skírskotun til spillingarinnar í Kaupþingi...

Sakar formann VR um óheiðarleg vinnubrögð

Ótrúlegur Gunnar Páll !

Að drengurinn geri sér ekki grein fyrir því að hans tími er liðinn er ótrúlegt.  Það eina rétta væri fyrir hann að segja af sér.  En hann er eins og sumir aðrir sem þrjóskast við. 

Bara það atriði að hann skyldi sitja í stjórn Kaupþings kallar á spurningu um siðferði.  Hann vissi það áður en hann tók sæti þar þannig að það hlýtur að hafa verið vegna launanna sem hann þáði hjá Kaupþingi líka.  En hvernig er það, var sá tími sem hann eyddi hjá Kaupþingi utan vinnutíma hans hjá VR eða var hann á launum á þar líka á sama tíma?  Jú auðvitað á sama tíma, skiptir engu máli. 

Annað atriði sem er siðlaust og það er að fella niður skuldir hjá útvöldum.  Allt á kostnað VR félaga.  Að þessi maður skuli enn sitja sem formaður er náttúrlega fáránlegt.  Eins er fáránlegt að ekki skuli vera kjörinn formaður í VR á lýðræðislegan hátt.  þeas kjörinn í almennri kosningu félagsmanna. 

En þá væri hætta á að ekki væri hægt að "arfleiða" formannsembættið þannig að þess vegna er sá háttur hafður á sem er í dag.  Félagsmenn hefðu eitthvað um þetta að segja.

Trúnaðarmannaráð VR kallað til fundar

Siðleysið algjört

Alltaf þegar ég les um þessa fjárglæframenn sem fengið hafa að valsa hér um allt og gambla með okkar fjármuni, dettur mér í hug gömul vísa sem ég læt fljóta hér:

          Steli ég litlu og standi ég lágt

          í steininn beint sendur er.

          En steli ég miklu og standi ég hátt

          í stjórnarráðið ég fer. 

Þeir hefðu ekki getað gert þetta nema vegna FME, Seðlabankastjórnar svo í ríkisstjórnannanna sem gerðu þetta kleift.  Þe ríkisstjórnar Framsóknarflokks og Sjálfstæðisflokks.

Ég á því ekki von á að þessir aðilar sem eru búnið að hafa íslensku þjóðinni verðir látnir sæta ábyrgð.  Enda búnir að koma öllu fyrir erlendis og þær eigur sem eru hér eru bara skrifaðar á konurnar.  Þeir vita sem er að ef svo ólíklega vill til að þeir verði kærðir líður of langur tími þar tiol það verður og því verður ekkert hægt að gera við þessum eignatilfærslum.  Heldur einhver að þeir viti ekki að hægt er að sanna á þá svik fyrst þessar eignatilfærslur eru gerðar? 

Skattaskjólin misnotuð